A proba, cun esixente percorrido de 70 km e 4.500 metros de desnivel positivo, puxo a proba aos 425 atletas inscritos, dos cales só 238 lograron completar o desafío. O terreo, altamente técnico e variado, combinou zonas de bosque con tramos pedregosos de gran dificultade, esixindo o máximo nivel físico e mental.
A carreira comezou ás 5:00 horas en condicións óptimas, aínda que o aumento da temperatura ao mediodía elevou a dureza da competición.
Os resultados da selección galega reflicten un gran nivel competitivo. No apartado masculino, todos os corredores se situaron entre os 70 primeiros: José Santiago (43º), Miguel (55º), Xosé María (65º) e Eduardo Fabeiro (66º), destacando o 6º posto de Xosé María en Veterano B.
Na categoría feminina, Carolina Niño asinou unha actuación destacada cun Top 12 e un 4º posto en Veterana. Completaron a participación Patricia (35ª), Charo (40ª), Rosa Araujo (52ª) e Loreto (58ª).
A selección contou co apoio constante da seleccionadora Alejandra Seoane, clave no acompañamento e asistencia ao equipo durante toda a competición.
Unha vez máis, Galicia estivo á altura, demostrando que o espírito das nosas montañas vive en cada paso.
