Aberta a solicitude de organización para 2025 de Actividades de Montaña Activa, Sendeiros e Cumios

A Vogalía de Andainas e Sendeirismo da Federación Galega de Montañismo abre o proceso de solicitude para optar a organizar calquera ou varias das actividades de Montaña Activa, Sendeiros e Cumios para o ano 2025.

Poden presentarse calquera dos Clubes e asociacións galegas de montaña. Para o financiamento destes eventos, a máis das inscricións dos participantes e outros recursos que poidan aportar os clubs, a Federación ten aprobado en Asemblea Xeral orzamentos para cada unha delas. Esa información é pública e pódese consultar na FGM.

Actividades que oferta a FGM para a súa organización por parte de entidades federadas:

• Marcha Galega de Esquí de Montaña (Pendente datas).
• Marcha Galega de Raquetas de Neve (02/02/2025) (Pendente da neve).
• Día do Sendeirista Galego (11/05/2025) – Nun sendeiro homologado.
• Marcha Galega de Vivac (05-06/07/2025).
• Descenso Galego de Barrancos (Pendente datas) (… en xuño ou xullo).
• Marcha Galega Montañeiros Veteranos (21/09/2025).

O prazo de solicitudes remata o 20/12/2024. Serán valoradas as solicitudes por orde de chegada.

Podedes facer a solicitude no botón de abaixo.