MEDIO AMBIENTE

Sabemos que é de enorme responsabilidade onde se realizan os nosos deportes, tendo en conta a accesibilidade aos espazos, a nosa seguridade e conservación dos mesmos.

O medio ambiente e polo tanto o noso “terreo de xogo”. Está regulado polas administracións ambientais que xestionan o uso público dos espazos, sendo de vital importancia unha regulación sostible, lóxica e satisfactoria para os que realizamos actividades e para a natureza.

A área basea as súas futuras actuacións en acadar este obxectivo. Todos nos queremos acceder ao medio ambiente de forma segura, fácil e sostible coa conservación dos ecosistemas. A FGM colaborará activamente nos foros de opinión e decisión para facer valer a opinión dos federados como usuarios dun entorno natural que debe conciliar a necesidade de conservación co desenvolvemento.

Outra das líñas de actuación ten coma base a necesidade de divulgar entre os nosos deportistas un uso responsable e conservacionista da nosa terra. Contamos coa implicación de tódolos federados, en tódalas modalidades deportivas, para mellorar o noso uso e disfrute do medio.

As necesidades de conservación e as boas prácticas serán precisas á hora de defender ante os organismos que somos un beneficio para o medio natural, e non un problema.