Imaxe das dúas campioas recollendo o trofeo. Foto Rally Escalada
O XX Rally de escalada 12h Penedo de Ifach foi a cuarta e última proba da Liga de Rallyes 12h de Escalada 2024, celebrada o 26 de outubro, nunha xornada «máxica», na que as 30 cordadas participantes sumaron centos de metros no Penedo.
Tras unha noite de intensas choivas en Calpe, nada facía presaxiar aos escaladores que a xornada sería unha das máis máxicas que se lembran, cun ceo do todo fotogénico que proporcionou luz e temperatura cálida e agradable. O vento tamén axudou a que a parede estivese seca desde os primeiros compases da mañá. Os organizadores decidiron facer unha proba de 10 horas para mellorar a seguridade das 30 cordadas participantes.
As gañadoras por categorías da proba de resistencia e regularidade Feminina foron as galegas Iris Gutiérrez e Luisa Méndez con 2.250m. Tras unhas primeiras posicións conseguidas nas probas da Cabrera e o Chorro, e un segundo posto en Riglos e o Penedo de Ifach, levaron ás escaladoras galegas o máis alto da clasificatoria.
O noso parabén á Asociación de Escaladores Ourensáns (ASESOU) e en especial ás súas dúas escaladoras por este logro tan importante!!
Descubre máis desde Federación Galega de Montañismo
Subscríbete para recibir as últimas entradas no teu correo electrónico.