Desexamos informarvos da III Proba da Copa Xunta de Galicia de Marcha Nórdica da Federación Galega de Montañismo e Open de Marcha Nórdica O Pereiro de Aguiar, que terá lugar o 11 de xuño de 2023.

  • LUGAR: Monte da Chaira. Pereiro de Aguiar
  • DATA: 11/06/2023
  • INSCRICIÓNS: ata o 8/6/23 ás 14 horas. Faranse por medio do seguinte  FORMULARIO (CLICKA AQUÍ)
  • ORGANIZA: Vogalía de Marcha Nórdica Asesou
  • COLABORAN: Concello de Pereiro de Aguiar e da Federación Galega de Montañismo

LÍMITE DE PARTICIPANTES: 150 PERSOAS: A organización reservarase o dereito de cambiar o número de participantes se fose necesario. Se se dá o caso respectarase a orde de inscrición.

LUGAR DE SAÍDA E CHEGADA: Pavillón de Pereiro de Aguiar 42.339278, – 7.787174

MÉTODO DE PAGO: Todas as persoas participantes teñen que pagar primeiro o open/copa para logo poder achegar o comprobante de pago no formulario antedito de inscrición.

Número de conta:  IBAN: ES62 2100 2182 0702 0044 2368

Beneficiario: Escola marcha nórdica ASESOU

Concepto: Inscrición Copa Nome completo: 15€ federados, ou

Concepto: Inscrición Open nome completo: 12€ federados ou 17€ non federados

A TER EN CONTA:

  • Facer a inscrición implica que todas as persoas participantes asumen os riscos da práctica de marcha nórdica nunha proba deportiva.
  • A organización, fará un seguro de día da Federación Galega de Montañismo para os/as deportistas que non posúan a licenza federativa e ten un seguro de responsabilidade civil, co cal estárá exenta de indemnizar polos danos que poidan sufrir os/as participantes no desenvolvemento do open como de calqueira prexuízo da saúde derivado polo esforzo físico que se poida facer durante a proba. Achegar no formulario licencia federativa.
  • Os participantes autorizan aos servizos médicos a facer todo o necesario para manter a saúde, evitar lesións ou agravamento por algunha que se poida producir ou polo esforzo físico.
  • A organización non é responsable da desaparición de obxectos persoais, así como deterioración dos mesmos u o seu posible roubo ou extravío.

DESENVOLVEMENTO DO OPEN E COPA

Desenvolverase un open e unha copa de marcha nórdica nun circuíto polo roteiro polo Monte da Chaira, ao cal se dan varias voltas. Para o open (dúas voltas) son case 8 quilómetros e para a copa (catro voltas) case 13 km, transcorre.

  • A saída e a chegada ao Pavillón de Pereiro de Aguiar.

𝕵𝖔𝖘é 𝕱𝖗𝖆𝖓𝖈𝖎𝖘𝖈𝖔 𝕲𝖎𝖑 𝕯𝖔𝖕𝖆𝖟𝖔
O pasado 6 de maio tivo lugar na alameda de Santiago de Compostela a segunda proba da Copa Xunta de Galicia. Como xa sucedera na primeira proba que tivo lugar sobre a muralla de Lugo, os marchadores tiveron a oportunidade de competir nun lugar privilexiado. Un circuito moi rápido, no que participaron o mesmo tempo os marchadores e marchadores da Copa e da proba Open organizada polo club Vía Lactea, que como xa sucedera o ano pasado fixo posible que todo o mundo disfrutara dun gran día de marcha nórdica.
 
O igual que coa primeira proba tivemos unha gran participación e 162 foron os deportistas que se inscribiron para as dúas probas, cabe destacar que ademáis de todas as provincias galegas contamos con marchadores de Álava, Valladolid, Tenerife, Madrid, Leon, Asturias e mesmo Portugal.
Centrándonos na parte deportiva, saida moi rápida de todos os participantes, por parte dos homes dende un principio se destacou Pedro Angulo, marchador madrileño, formándose un grupo por detrás cos marchadores Luis, Alberto e Fernando do Club marcha nórdica Coruña , Álvaro de Sobarriba de León, e Héctor e Cesar do CdM Xesteiras. Co paso das voltas Pedro seguiu en cabez e o grupo se foi facendo mais pequeno, uníndose na última volta Ricardo Angueira do Club de montaña de Mondaríz que viu dende atrás. Finalmente na última volta Pedro Angulo foi descalificado por acumulación de tarxetas e Luis Justo Baliñas gañou a partida a Alberto Fidalgo, entrando por detrás Álvaro Villarroel.
 
Entre as mulleres tras a salida foron collendo distancia Yulia e Naza do club marcha nórdica Coruña, e por detrás formouse un grupo con Maria do CdM Xesteiras e María Isabel e Marta do Club nordic walking Lugo, dende atrás uniuse Ana do CdM Xesteiras e a pouca distancia Alba de Xesteiras e Elena de Lugo tentaban non distanciarse demasiado. A última volta das mulleres estivo marcada polas tarxetas, Naza tiña unha sanción de dous minutos, pero ainda así conseguiu manter a segunda praza por detrás de Yulia, por detrás nun apretado sprint desta volta María Isabel Rodriguez ( Nordic Walking Lugo) se impuña a María Martinez ( CdM Xesteiras) na recta de meta.
 
No clasificación provisional da copa nos homes queda Luis A. Justo primeiro seguido de Alberto Fidalgo, ambos do Club de Marcha Nórdica Coruña sendo tercerio Hector Vázquez do CdM Xesteiras. Nas mulleres está todo moito mais reñido, en primeira posición Yulia Shurhina e Naza Tilve do Club de Marcha Nórdica Coruña con Maria Isabel Rodriguéz do club Nordic Walking Lugo en terceira posición.
Nuns días subiremos a web as clasificacións da proba e acumulado de copa por categorías.
 
 

*** TWITTER: NOVA REDE SOCIAL DA FEDERACIÖN GALEGA DE MONTAÑISMO ***
𝕬𝖙𝖊𝖓𝖊𝖆
A presidenta Josefina Maestu, potencia as ferramentas de comunicación da Federación Galega de Montañismos cunha conta de Twitter coa denominación de usuario @fgdemontana que se engade a outras redes xa activas.
 

Láura Lado

O sábado 20 de maio, celebrouse a VIII Andaina Terras de Altamira con récord de participantes, organizada pola Asociación O Esquio no Piñeiro e o concello de Brión.

Na Carballeira de Santa Minia, ás 09:00 horas, o actor e humorista Federico Pérez realizaba a conta atrás para dar saída aos 637 inscritos nas tres distancias de 16kms, 36 kms e 50 kms.

As tres modalidades están incluídas na liga Ibérica de Sendeirismo e na Liga Xunta Galicia de Sendeirismo

Nesta ocasión a andaina de 50 kms bordeaba as Torres de Altamira, pero contaba no quilómetro 19 coas espectaculares vistas do alto de Santa Cecía no monte Rubial, desde o cal se pode ver a ría de Arousa. No quilómetro 33 poidemos gozar do Castro Lupario que é un xacemento declarado Ben de Interese Cultural en Decembro 2009.

Unha vez cruzado o arco de meta entregábanse os diplomas de finalista e unha medalla para cada distancia. Asi mesmo, comida e bebida para todos.

Un gran traballo realizado polos membros da Asociación O Esquio no Piñerio, por autoridades do concello de Brión e por todos os voluntarios e voluntarias

Vémonos na 9ª Andaina Terras de Altamira

Excelentes os resultados acadados polos escaladores e escaladoras dos clubs galegos na segunda xornada da Copa de España de Bloque e Velocidade (Cuenca, 20 e 21 de maio), organizada pola FEDME, indicados na imaxe do cadro.

Nada menos que quince finalistas na velocidade (oito mulleres e sete homes). Entre eles, conseguiron tres ouros (Iván, Xian e Nora) e dúas pratas (Hadrián e Javier León). Lembramos que onte tamén obtivo a posición de finalista (7ª) Natalia Vale en bloque. Hoxe tamén se disputou a proba pendente de bloque para a categoría absoluta, cun representante do Club Pena Trevinca – Montañeiros de Galicia, Santiago Franco (18º) e outro do Club Aromón Pontevedra Montañeiros a Roelo, Xavier Carballo (25º).

Con estes resultados, poco a pouco vaise afianzando en Galicia estas disciplinas olímpicas e que permiten albiscar un expléndido futuro destas especialidades, sempre que as administracións públicas con competencias en materia deportiva poñan en valor aos deportes de montaña.

As felicitacións da FGM a todos os deportistas, aos seus adestradores e aos seus clubs polo eficaz traballo que veñen realizando, pero tamén ás familias polo esforzo que fan.