A Federación Galega de Montañismo (FGM) a través da Escola Galega de Alta Montaña (EGAM), co obxectivo e ilusión de seguir formando aos nosos rapaces e rapazas no eido da montaña, desenvolveremos un campamento estival continuando o traballo comezado fai anos con nenos e nenas galegos, retomando as actividades formativas técnicas destinadas á mocidade.
DATAS DO CAMPAMENTO: 17, 18 e 19 de xullo 2026
LUGAR: Monte Aloia (Tui), Serra do Galiñeiro (Gondomar) e Melón (provincia de Ourense).
PRAZAS DISPOÑIBLES: 16, cubríndose por estrita orde de inscrición.
PREZO: 145€ Inclúe:
- Técnicos especialistas na materia
- Transporte as actividades
- 2 almorzos, 2 xantares e 2 ceas.
- Aloxamento no refuxio
- Material técnico específico de orientación, escalada e barranquismo
RATIO: 1 técnico/a por cada 8 participantes (máis técnico/a especialista)
DESTINADO A: nenos e nenas federados/as que queiran iniciarse na realización de actividades técnicas de montaña, e que saiban nadar elementalmente.
OBXECTIVOS: Que os rapaces/zas coñezan, practiquen e adquiren destrezas nas diferentes actividades técnicas de montaña (Orientación, montañismo, escalada e barrancos), que aprendan as técnicas básicas que lles axuden a desenvolverse no medio natural coa maior autonomía e seguridade posible, que aprendan a respectar o medio onde se desenvolven estas actividades, e que se divirtan e compartan as súas experiencias con outros rapaces da súa idade e coas mesmas inquedanzas.