O fin de semana do 23 ao 25 de maio celebrábase en El Papiol, Barcelona o Campionato de España de carreiras por montaña de SS. AA, en idade escolar, tendo que competir as categorías infantil e cadete.
Dita proba constaba de unha carreira de Km Vertical o sábado e outra en liña o domingo, cunhas distancias de 3,3km con 407+ e 8,1km con 430+ respectivamente para os cadetes que eran os encargados neste caso de representar a Selección Galega.
O equipo da FGM ía integrado por Lucía Taboada, Alma Pereira e Xulia Vidal na sección feminina e Diego Ferreira, Nico Lorenzo, Álvaro Soto e Xavier Valencia no masculino. Todas e todos grandes deportistas que xogaron un gran papel coa camisola da Selección.
Ademáis do meramente competitivo tamén houbo momentos para convivencia entre seleccións, eventos culturais e demais actividades que plantexou a organización con moi bo acerto.
Respecto a resultados, acadamos postos sempre de metade da táboa cara arriba, resaltando varios top15, pero dende a FGM temos claro que estas oportunidades competitivas van máis aló dos resultados e que o importante é a formación das e dos nosos deportistas primando sempre o seu benestar e aprendizaxe, así como as vivenzas persoais que poidan levar.
Só queda agradecer a deportistas, pais e nais que os axudan e apoian, clubs que están facendo unha grande labor de adestramento e formación e neste caso a organización da competición que o fixo excelentemente, así como a FEDME por apoiar o evento e as categorías de base.
