CAMPIONATO GALEGO DE ESCALADA DE BLOQUE 2019

Onte celebrouse o campionato na sede de Expourense no eido da feira dos deportes Sportur 2019. Grazas á organización de Sportur, puidemos dispoñer de espazo e infraestrutura para desenvolver o campionato. Salientar a colaboración de clubs de montaña da FGM no campionato aportando material ou axudando nas xestións, Club Montañeiros Celtas, Grupo de Montaña Alud e Asociación de Escaladores Ourensans (ASESOU).

A participación ao campionato foi numerosa, sesente e tres inscritos nas dúas categorías con representación de escaladores e escaladoras, absoluta e sub – 16. Unha equilibrada participación masculina e feminina, representando a dez clubs diferentes vidos de toda Galicia.

Os pasos do campionato foron equipados por lo equipo formado por Iván Rouco, equipador oficial, Joel Rodríguez e José Juan Domínguez. Foron pasos vistosos e buscando as tendencias actuais desta especialidade de escalada. Movementos dinámicos e algún que outro volumen que obloigou aos competidores e competidoras a interpretar a secuencia axeitada.

Comezou o campionato as 9,30 da mañá coas clasificatorias da categoría sub – 16. Todas as clasificatoria se desenvolveron con dinamismo e unha rotación de escaladores e escaladoras moi fluida, froito do formato, rotación á “americana”, pasando a final seis escaladores e escaladoras por categoría. As finais celebraronse pola tarde coa aplicación de formato “a vista”. O resumo das finais en todas as categorías e xénero é bo nivel de escalada e entrega de todos e todas as competidoras, dando un gran espectáculo deportivo e amosando que día a día o nivel da escalada competitiva en Galicia está a medrar.

Lástima que só poden figurar no podio tres escaladoras e escaladores, pois pola entrega vista na final e clasificatorias, todos e todas foron merecedoras de figurar no podio. Dende eiquí parabéns a todos e todas, aos delegados de clubs e adestradores, sen esquecer pais e nais dos xoves.

Resultado do campionato

Categoría Sub – 16 Masculina