O pasado 8 de marzo celebrouse o Campionato Xunta de Galicia de carreiras por montaña en liña no Trail do Nocedo.
Na distancia raíña da proba, o corredor de categoría promesa Martín Barreiro cruzou a meta en primeiro lugar, seguido de Anxo Cid, corredor de categoría absoluta.
A entrega de premios fíxose dacordo co regulamento vixente, otorgando a Anxo o campionato absoluto e a Martín o da categoría promesa.
Sen embargo, desde a Federación queremos recoñecer os éxitos de todos os corredores e implementar as mellores prácticas que o noso sistema nos permita; de tal xeito, tras a última reunión da comisión delegada, foron adoptadas as seguintes medidas:
• Nomeamento de forma excepcional na edición 2026 do Campionato galego Xunta de Galicia CxM gañadores ex aequo Martín Barreiro e Anxo Cid.
• Modificación do regulamento avalada pola FEDME, conforme en canto concurran igual distancia e desnivel en probas do noso calendario, a categoría promesa pasará a ser unha subcategoría da categoría absoluta.
Con estas modificacións no noso regulamento apostamos por unha competición máis xusta e equitativa, fomentando a participación da xente máis nova.
Noraboa aos gañadores.
Descubre máis desde Federación Galega de Montañismo
Subscríbete para recibir as últimas entradas no teu correo electrónico.