Concurso de Fotografía FGM 2025-2026

A Federación Galega de Montañismo convoca o Concurso de Fotografía FGM 2025-2026, co obxectivo de promover e difundir os valores do montañismo, a natureza e as actividades deportivas propias da federación.

Poderán participar todas as persoas a partir dos 14 anos de idade, federadas ou non. No caso de persoas menores de idade, a participación deberá contar coa autorización expresa da nai, pai ou tutor/a legal.

Cada participante poderá presentar un máximo de 4 fotografías. A temática deberá axustarse a unha das seguintes temáticas:

• Paisaxes de montaña en calquera das estacións do ano.
• Prácticas deportivas e competicións de actividades pertencentes á Federación Galega de Montañismo.

Cada fotografía deberá representar claramente unha estación do ano: Primavera – Verano – Outono – Inverno

Concederanse 4 fotografías gañadoras, unha por cada estación do ano:

• Inverno
• Primavera
• Verán
• Outono

Requisitos técnicos das imaxes

• Resolución: 300 ppp.
• Formato: JPG.
• Orientación: admítense fotografías verticais e horizontais.
• As imaxes deberán ser orixinais e non ter sido premiadas con anterioridade noutros concursos.

Cada persoa gañadora recibirá como premio:

• 1 licenza Autonómica da Federación Galega de Montañismo (tipo FGM A)

As fotografías deberán enviarse, xunto coa documentación necesaria, por correo electrónico a fedgalmon@fedgalmon.gal e a data límite de recepción: 11 de xaneiro de 2026 (incluído).

As bases completas e o documento de cesión de dereitos podes descargalos no seguinte enlace