Xa pasaron 20 anos dende a primeira edición desta andaina organizada polo Concello de Entrimo. Este ano a andaina estivo incluída na Liga Ibérica de sendeirismo FEDME e foi puntuable para a I Liga Xunta de Galicia.
Déronse cita 163 inscritos, dos cales 112 completaron os 50 Km. A saída tivo lugar as 09:00h e hora límite de chegada as 21.00h.
O primeiro participante completou os 50 km en 6 horas e 52 minutos e o ultimo foi en 11 horas e 14 minutos.
O percorrido transcorreu pola Serra de Quequas, chegando as proximidades dos Penedos de Anamao, Dolmen da Moura, Pía da Moura, O Castro dos Castelos; todo elo dentro do Parque Natural Baixa Limia-Serra do Xurés.
A camiñada discorre tamén a carón de dous ríos que atravesan o Concello de Entrimo, o Río Pacín e o Covas, deixando unhas fermosas paisaxes e fervenzas; Pozo Caído, Área Recreativa de Pacín, Os Cirolos, Covas, A Botureira.
Agradecer ao Concello de Entrimo, ao Sr. Alcalde Ramón Alonso López e todas as persoas que fixeron posible esta andaina, en especial Niko Estévez Rodríguez, que fixo o marcaxe dos 50 Km. Agradecer a Protección civil polos cinco avituallamentos situados ao longo de todo o percorrido, que non todos tiñan fácil acceso.
Para o 2024 a Andaina de Entrimo vai constar de dúas distancias: 50 Km y 25 Km.
Moitos parabéns a todos os asistentes. Vémonos na próxima “VI Andaina do Condado – Marqués de Vizhoja 2023” o día 7 de Maio.
Descubre máis desde Federación Galega de Montañismo
Subscríbete para recibir as últimas entradas no teu correo electrónico.