Crónica do Campionato Xunta de Galicia de Clubs na modalidade de Carreiras por Montaña

O 19 de marzo de 2023, levouse a cabo en Oia o Campionato Galego de Clubs Xunta de Galicia de Carreiras por Montaña e o Campionato Galego Individual de Categorías Inferiores (cadete, xuvenil, júnior e promesa).

Unha carreira organizada polo Club Corneliosraider que demostraron ser un exemplo de bo organizador e bo facer, con un excelente trato ó corredor. Crearon un percorrido espectacular, tanto pola fermosura da paisaxe, como polos sendeiros técnicos e divertidos que non deixaron a ninguén con mal sabor de boca.  Unha carreira destacada polos seus 21km e 1500+.

Falemos dos resultados do Campionato Galego de Clubs:

ELES, a loita foi bonita de ver, xa que os de Toxos e Birras viñan dispostos a dalo todo para poder impoñerse o resto dos equipos, pero o gran talento do Club Castro trail, non lle permitiu alcanzar ese primeiro posto do Campionato Galego de Clubs, levándose o Club Castro trail o primeiro posto, e quedando os de Toxos e Birras nunha segunda posición, a pesar de meter a dous dos seus corredores en primeira e terceira posición do podio absoluto masculino. Non menos foron o resto dos equipos, pois todos e cada un deles mostraron firmeza no terreo e gañas de pelexar polo podio. Quedando nun terceiro lugar o Castelos trail.

Falemos xa un pouco a nivel individual dos corredores, onde debemos destacar ós cinco primeiros da proba. Nas tres primeiras posicións houbo unha gran pelexa entre Miguel Vázquez, Iago Abeledo e Marcos Naya que o deron todo e demostraron que están nun estado de forma moi alto e iso que estamos a comezos de tempada. Como cuarto temos que destacar a Manuel Gil, outros dos que sempre están aí demostrando a súa valía e quinto a Marcos Pascual.

ELAS, dende o comezo a Vértice, Mari Pombo, marcou o ritmo de carreira, a cal se lle sumaron detrás dúas Patricias que non llo poñerían nada doado. Mari Pombo logrou entrar finalmente en primeira posición, chegando moi cerquiña dela Patricia Noya, do tribu trail, e en terceiro lugar Patricia Varela. Ambas tres demostraron que teñen un nivel incrible e que lles queda moito por dar, pois as tres levan moi pouco tempo no mundo da montaña e sabemos que seguirán progresando. En cuarto lugar entrou Elena Rosell Aragón do Club Metas Imposibles Trail Team e en quinto Lugar Verónica Calvo do Club Vértice.

Por CLUB levouse o alto do podio as do CDM Vértice, en segundo lugar quedaron as do Club Metas Imposibles Trail Team e nun terceiro lugar as grandes corredoras do GTR Galaico Trail Run.

 A clasificación pos Clubs quedou do seguinte modo:

Campionato Galego Xunta de Galicia Individual de CxM de categorías inferiores

Neste mesmo día tamén se levou a cabo o Campionato Galego Individual Xunta de Galicia de categorías inferiores, cadete, xuvenil, júnior e promesas.

Os cadetes correrían unha distancia de 8 quilómetros con 580+, os xuvenís e júnior correrían un total de 12 quilómetros con 850+ e os promesas correrían a mesma distancia que os absolutos 21 quilómetros con 1500+.

Os podios quedaron do seguinte modo:

E xa para terminar, darlle os parabéns a todos/as os/as rapaces/as que participaron nas distintas probas. Agradecer a participación dos corredores/as neste Campionato Galego de Clubs. Agradecer á organización polo seu bo facer. Agradecer ó equipo arbitral pola súa boa labor. E mil grazas a todos os voluntarios, protección civil, fotógrafos e público por transmitir tantos ánimos.

Grazas dende a FGM.