A Federación Galega de Montañismo (FGM) convoca, coa impartición da Escola Galega de Alta Montaña (EGAM), a inscripción a ao curso de Escalada en Vías Equipadas de Varios Longos , que equivale a un nivel N2 da Escuela Española de Alta Montaña da Federación Española de Deportes de Montaña y Escalada (FEDME)
DATAS E HORAS DO CURSO: Sábado 23 e domingo 24 de Maio de 09.30h a 18.00h (aprox).
LUGAR: Zona de escalada do Galiñeiro (Concello de Gondomar, Pontevedra). A data e o lugar poderá sufrir variacións motivadas axeitadamente.
PRAZAS DISPOÑIBLES: 3
REQUISITOS BÁSICOS: Idade mínima de 16 anos ao inicio do curso (con autorización familiar asinada e persoa maior de idade ao cargo do/a menor no propio curso) e ter as capacidades físico/técnicas axeitadas para o desenrolo da actividade.
OBXECTIVOS DO CURSO: A finalidade do curso é a de coñecer a técnica e táctica da progresión en parede e utilizar o material necesario para a progresión en vías equipadas de varios longos.
CONTIDOS TEÓRICOS E PRÁCTICOS: Equipo e material necesario / Nós avanzados / Técnicas de aseguramento / Principios xerais de física aplicada / Montaxe de reunións sobre ancoraxes fixos / Técnica de progresión en parede – dinámica de cordada / Descenso en rápel − abandono / Interpretación de croquis e gradacións / Planificación da actividade e Xestión do risco
RATIO E ALUMNOS/AS TOTAIS: 1 técnico/a por cada 3 alumnos/as (ata un máximo de 6); o mínimo de alumnos/as será de 3 persoas.
PROFESORADO: Serán técnicos/as da Escola Galega de Alta Montaña (Federación Galega de Montañismo).
PREZO: O prezo do curso é de 185€
Curso só para Federados