Verónica Calvo Dopazo, a nova técnica de carreiras por montaña, con 33 anos, conta con amplo currículo relacionado co ámbito deportivo.
A nivel formación é licenciada en ciencias da actividade física e do deporte, mestres coa especialidade de educación física e conta con un máster de nutrición.
A nivel deportivo ten títulos de diversas disciplinas deportivas como son Adestradora Nacional de Triatlón e Natación, adestradora de voleibol e outros.
É unha apaixonada dos deportes, e dende fai uns anos o mundo das carreiras por montaña pasaron a formar parte dela.
No 2019 proclamouse 2º feminina de Copa Galega de carreiras por montaña (participando na Maratón da Camelia, San Mamede, Desafío Vértice e Canons do Sil), 2ª feminina no Desafío Galaico, 2º no Naturfest, e participou tamén coa Selección Galega de Carreiras por Montaña no Trail Rae de Otañes.
No 2020/2021 debido á pandemia e a unha lesión o número de carreiras viuse reducido, pero seguiu participando nas carreiras logrando os primeiros postos no trail da Cidá e trail de San Isidro. E tamén en carreiras de renome como é o Trail de Ribeira Sacra e a San Silvestre de Lousame.
Verónica é unha persoa moi inqueda, sempre intentando mellorar, e lograr todo aquelo que se propón. Gústalle traballar en equipo, colaborar e participar con todos buscando sempre o beneficio común.
Este ano márcase como obxectivos poder chegar a todos os Clubs deportivos, intentar formar unha gran Comuna do Trail Galego, onde todos formen parte e sexan igual de importantes. Ademais gustaríalle que nun futuro próximo comezasen a verse pequenas escolas deportivas de carreiras por montaña. Tamén quere facer gran fincapé na importancia de dar a coñecer esta disciplina nas mulleres, buscando que aquelas que poidan estar indecisas tomen a decisión de desfrutar deste mundo tan incríbel.
