ESCALADA: RESEÑA DE BEATRIZ GANDARA CARNERO MEDALLA DE OURO

O 22 de Outubro celebrouse no Indoorwall Getafe a Primeira Copa de España de Paraescalada.

Neste evento participaron 27 escaladores e escaladoras de case tódalas comunidades autónomas. A organización da xornada estivo dividida entre a fase de clasificación, en horario matinal, e o desenvolvemento das finais de cada categoría en horario de tarde.

Dentro da Paraescalada, debido a diversidade das capacidades dos participantes, establécense diferentes categorías, estando representadas nesta Primeira Copa de España as seguintes:

Deficiencia visual: B1 e B2.

Amputados: AL1, AL2, AU1 e AU2.

Limitacion funcional: RP1, RP2 e RP3.

Por primeira vez a Federación Galega de Montañismo participa no ámbito da Paraescalada, na categoría  RP2, limitación funcional en 2 extremidades coa escaladora Beatriz Gándara. Este feito considérase un hito na nosa comunidade autónoma a prol da inclusividade na escalada de competición.

A competición foi retransmitida en directo pola canal de youtube da FEDME. Na rolda clasificatoria, os primeiros en participar foron os escaladores e escaladoras con déficit visual (B1 e B2) o riguroso silencio para  facilitar a comunicación entre o guía e a persoa escaladora fai que as emocións estoupen cando logran o Top das duas vías propostas polos equipadores. Despois participan os escaladores con amputación dunha perna. ¡O ritmo de escalada nos desplomes deixa perplexo ó público xunto coa categoría de amputación do brazo!

En paralelo compite RP nas súas 3 categorías limitación funcional de 1, 2 ou 4 extremidades, esta categoría, RP é a que ten maior representación feminina.

Eu participei en RP2, sendo a única participante desta categoría, isto no impediu que intentase superar os meus límites e consegir o top na primera vía das clasificatorias e unha boa execución nas seguintes.

O bo ambiente e risas fai que todos participantes estemos eufóricos. Moitos de nos non nos coñecíamos en persoa.

A Copa foi ese punto de encontro onde compartir experiencias e a escalada.

A 2º proba tendrá lugar o 20 de Novembro xunto co Supercampeonato de España de Paraescalada e o 26 de novembro finaliza a Copa de España en Vilanova y La Geltrú.

Deixa unha resposta

O teu enderezo electrónico non se publicará

Este sitio emprega Akismet para reducir o spam. Aprende como se procesan os datos dos teus comentarios.