Esta fin de semana celebrouse no Monte Xalo a I Xornada de Tecnificación en Carreiras por Montaña

Esta fin de semana celebrouse no Monte Xalo (A Coruña) a I Xornada de Tecnificación en Carreiras por Montaña (CxM) para categorías base, unha iniciativa organizada coa colaboración do club K2 de Ordes, ao que queremos agradecer sinceramente todo o traballo realizado tanto na preparación como durante o desenvolvemento da actividade.

Un total de 11 deportistas procedentes de diferentes puntos de Galicia participaron nesta xornada, na que puideron mellorar as súas habilidades e técnicas de carreira por montaña baixo a dirección de Nazaret Tilve, técnica de CxM da Federación Galega de Montañismo.

Estes mozos e mozas representan o futuro do noso deporte, e desde a Federación agardamos poder dar continuidade a este tipo de iniciativas que contribúen ao seu crecemento tanto deportivo como persoal.

Queremos expresar tamén o noso agradecemento ao club K2 de Ordes, á Comunidade de Montes do Xalo, a Nazaret Tilve, así como a todos os deportistas e ás súas familias polo seu compromiso e implicación.

Seguimos construíndo futuro paso a paso, porque nas montañas de hoxe nacen os campións de mañá. 💙⛰️