“Estamos de estreo coa páxina web e estreamos sección de medio ambiente.
Aquí poderás atopar todo o traballo feito dende a FGM no eido medioambiental e consultarnos ante calquera dúbida.
Como xa coñecedes a FGM e a Fundación Oso Pardo están a colaborar xuntas en distintas accións de divulgación ambiental. Vimos de rematar unha infografía e un vídeo didáctico en galego para a difusión de consellos para percorrer as montañas con presenza de oso pardo mentres practicamos deportes de montaña, que poñemos á vosa disposición nesta sección.
Estamos a piques de adentrarnos no outono e os encontros con osos poden suceder, por esta razón e para que a vosa experiencia sexa o máis agradable posible, recomendamos que consultes a infografía e o vídeo divulgativo antes de saír á montaña en zonas con presenza de oso pardo. Para que disfrutes do teu encontro con este marabilloso animal que habita nas nosas montañas.
Nota: Podes levar esta infografía no teu móbil, e difúndea entre os teus coñecidos. Premendo no QR da infografía podes acceder ao vídeo divulgativo.”
Saba González Lorenzo
Vogal de Medio Ambiente
