Henrique Freixeiro asistiu ás XXXI Xornadas de Sendeirismo e Sendeiros da Federación Española de Deportes de Montaña e Escalada, celebradas os pasados días 7, 8 e 9 de novembro na localidade de Alcalá del Júcar (Albacete).
O Vogal de Andainas e Sendeirismo, acudiu como representante da federación autonómica a este foro estatal, considerado o principal punto de encontro para os técnicos e responsables do sendeirismo en España.
As xornadas, organizadas pola Federación de Deportes de Montaña de Castela-A Mancha en colaboración coa FEDME, desenvolvéronse baixo o lema «Pasado e Presente dos Sendeiros homologados». O programa incluíu relatorios técnicos, mesas de traballo e a celebración do Comité Estatal de Sendeiros e Sendeirismo.
O obxectivo do encontro foi analizar a situación actual da rede de sendeiros homologados (GR®, PR® e SL®), debater sobre a súa evolución e establecer criterios comúns para a súa xestión, mantemento e promoción. Tratáronse temas como a innovación tecnolóxica aplicada ao medio ambiente, a reversión económica dos sendeiros e a situación actual destas infraestruturas deportivas.
A presenza da FGM nestas xornadas é fundamental para aliñar as estratexias da rede de sendeiros de Galicia coas directrices nacionais, así como para intercambiar coñecementos e boas prácticas co resto das federacións territoriais.
Descubre máis desde Federación Galega de Montañismo
Subscríbete para recibir as últimas entradas no teu correo electrónico.