PEÑAS DE PRAO (Cubillas de Arbas -León-)
14 e 15 de maio de 2022

Despois da magnífica experiencia que tivemos hai dous anos durante o IIº Encontro de Alpinismo Galego, e continuando coa boa relación establecida entre os federados/as, os patrocinadores e tendas de referencia, na Federación Gallega de Montañismo (FGM) planificamos unha nova reunión anual de características similares á desenvolvida en febreiro de 2020 en Maraña. Desta xeira en Peñas de Prao, dedicado á escalada en rocha en terreo de aventura, outro apartado fundamental para a practica do alpinismo, neste caso, noutro dos lugares da Cordilleira Cantábrica que tanto nos ten dado e terreo de xogo habitual dos alpinistas galegos e, por extensión, de todo o noroeste da península.

Como sempre, esta xuntanza está deseñada para os clubs e deportistas galegos, porque o Encontro é para nós, é a nosa forma de crear sinerxias positivas que se retroalimenten desde o punto de vista deportivo e institucional, é o punto de encontro de todos os montañeiros e montañeiras de Galicia. Temos unha fin de semana completa de actividades e unhas paredes magníficas nun lugar precioso para compartirmos.

Gardade estas datas na vosa axenta, xa vos mandaremos os prazos de inscrición, programa e toda a info das actividades, desta vez ….. ¡¡VÉMONOS NA ROCHA DE PEÑAS DE PRAO!!

Preme aquí para descargar o cartel en versión PDF

Federación Galega de Montañismo
Resumen de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase na túa navegador e realiza funcións tales como recoñecerche cando volves á nosa web ou axudar ao noso equipo a comprender que seccións da web atopas máis interesantes e útiles.

Maís info sobre a nosa Política de Privacidade