Nova vantaxosa para federados galegos: dende o 1 de xaneiro de 2026, acordo histórico entre a FEDME e a Asociación Correspondencia de Refuxios

Existe unha novidade para todos os federados Galegos a partir 01-01-2026, a FEDME, na cal estamos integrados, chegou a un acordo de colaboración coa Asociación Correspondencia de Refuxios.

Que é a Correspondencia de Refuxios?

A creación da Asociación de Correspondencia Mutua de Refuxios levouse a cabo entre catro federacións de montaña (Aragón, Cataluña, Asturias e Navarra), para traballar e mellorar o servizo aos montañeiros que utilizan os refuxios de montaña.
A principal consecuencia para nós é, que a partir do 1 de xaneiro de 2026, todos os federados FEDME da nosa federación Galega terán descontos nos refuxios xestionados por estas catro Federacións e tamen o resto de refuxios FEDME do resto das federacións autonómicas de montaña.

Os refuxios de montaña son instalacións deportivas difíciles e custosas de xestionar, pero á súa vez fundamentais para poder realizar moitas actividades de montaña, e sobre todo poder facelas con maior seguridade.

Debe ser compromiso de todos o contribuír a que os refuxios poidan manterse e mellorarse. Isto vai redundar sen dúbida en beneficio de todos os seus usuarios.

Outras vantaxes:

Ao estar federado FEDME Implica a pertenza directa ao Convenio internacional de reciprocidade no uso dos refuxios de montaña.

Obxecto do convenio

O convenio internacional de reciprocidade no uso dos refuxios de montaña ten por obxecto apoiar o alpinismo concedendo aos membros das asociacións participantes dereitos de reciprocidade no uso dos seus refuxios de montaña nos Alpes, os PirIneos, Sierra Nevada, os Picos de Europa e os Apeninos, baseándose no principio da reciprocidade.

O dereito de reciprocidade implica que en calquera refuxio que pertenza a unha das asociacións participantes, os membros de calquera das devanditas asociacións gozarán dos mesmos dereitos e deberes que os membros da asociación propietaria do refuxio, especialmente no que respecta a a tarifa de pernoita.

Paises e organizacións que pertencen a este convenio:
• Schweizer Alpen-Club (Suíza)
• Deutscher Alpenverein (Alemaña)
• Österreichischer Alpenverein (Austria)
• Fédération Francaise des Clubs Alpins et de Montagne (Francia)
• Club Alpino Italiano (Italia)
• Federación Española de Deportes de Montaña e Escalada (FEDME)
• Refuxios de PZS (Eslovenia)
• LAV (Lienchestein)
• AVs/AVS (Sudtirol)