Este sendeiro de 8,5 km atópase no concello de Crecente (Pontevedra) e percorre parte do río Ribadil. Ao longo da ruta poden verse as ruínas de varios muíños, a ponte medieval de Noceifas e o Pozo do Inferno, un impresionante salto de auga.
Está incluído dentro da Rede Natura 2000, en 2 km de lonxitude. Un espazo natural protexido de alto valor ecolóxico a nivel europeo polas especies e hábitats que conviven nesta zona única.
Este carreiro convida tamén a coñecer parte do camiño dos arrieiros do viño que xa no século XVIII, a través da ponche medieval de Noceifas, conectaba as zonas de Crecente, Arbo e Valeixe e o Ribeiro.
