Un centear de rapazas e rapaces dos clubes galegos Asesou, Aromon, Club Montañeiros Celtas, AMI Montañismo, Club Pena Trevinca, Grupo de Montaña Alud e Cub O Veral acudiron ao Pavillón dos Remedios para unha xornada de escalada intensa. As clasificatorias e finais de prebenxamíns e benxamíns tiveron lugar pola mañá, tendo que superar dúas vías de clasificatoria e unha de final, de dificultade máis elevada. Os maiores da proba, alevíns, infantís e cadetes tiveron as dúas vías de clasificatoria, e os 6 mellores disputaron as súas finais pola tarde. Os competidores o deron todo e deixáronnos un día cheo de emocións, compañeirismo e moita superación.

Esta vez tocoulle ao club ourensán Asesou ser anfitrión, co apoio da Federación Galega de Montañismo. Ata a proba achegáronse Aníbal Pereira, Teniente Alcalde do Concello de Ourense; Carlos Bericat, Coordinador do Deporte Escolar en Ourense da Xunta de Galicia; e Manuel Pérez, delegado da Xunta de Galicia para o deporte provincial.

Fixéronse entrega dos trofeos tanto desta proba como do final da Liga, rematando así as 4 xornadas de escalada organizadas polos distintos clubes de Pontevedra, Vigo, A Coruña e Ourense. Finaliza así unha tempada estupenda para os nosos escaladores en idade escolar, con moita motivación e moita posibilidade de escalar en rocódromos variados, xunto cos compañeiros doutras escolas.

Chega agora o merecido descanso das escolas deportivas, que en setembro volverán con máis ganas, máis proxectos e moita escalada.