O venres 6 de febreiro tivo lugar a Gala do Montañismo da FGM celebrada no Concello de Chantada o cal gustosamente nos cedeu o Auditorio Municipal e colaborou con nos en todo o necesario.
Neste evento entregáronse os galardóns correspondentes aos deportistas máis salientados nas diferente modalidades competitivas e non competitivas que integran a nosa Federación.
Previo a Gala, puidemos desfrutar dunha mesa redonda onde o Monte e o Lume foron os protagonistas e na que grazas aos coñecementos e experiencias vividas en propia pel das persoas integrantes da mesa, entendemos que é un binomio necesario o cal se relaciona sobre unha liña moi fina.
Dende a Federación queremos dar as grazas a todas as persoas e entidades encargadas de facer estes eventos realidade e agardamos que todos os presentes desfrutasen dunha velada especial.
Tamén queremos resaltar o bo traballo feito no Centro Ocupacional Alborada ASDEME, coa realización duns trofeos tan fermosos.
O noso agradecemento a Deporte Galego da Xunta de Galicia, Deputación de Lugo, Concello de Chantada, iNNOHEROICA e ASDEME
Galería de imaxes:
