OFERTA DE EMPREGO: Persoal administrativo/a para a Federación Galega de Montañismo

A Federación Galega de Montañismo (FGM) busca incorporar ao seu equipo unha persoa para desenvolver funcións de administración e xestión, dando apoio ás diferentes áreas de actividade da Federación.

Buscamos un perfil organizado, responsable e resolutivo, con capacidade para traballar de maneira autónoma e en equipo, e con interese polo ámbito deportivo e federativo.

AVISO: DEBIDO A GRAN CANTIDADE DE CURRICULUMS RECIBIDOS O PROCESO CERRARASE O VENRES 2 DE OUTUBRO AS 14:00 H.

Funcións principais

A persoa seleccionada desenvolverá, entre outras, as seguintes tarefas:

• Xestión administrativa e documental da Federación.
• Apoio na xestión económica, contable e financeira.
• Facturación, pagamentos, cobros e seguimento económico.
• Xestión e arquivo de documentación.
• Elaboración e seguimento de informes e documentación administrativa.
• Apoio na xestión de subvencións, convenios e outras vías de financiamento.
• Atención e comunicación con clubs, deportistas, técnicos, provedores e outros axentes vinculados á Federación.
• Apoio administrativo ás diferentes áreas e actividades da FGM.
• Outras tarefas propias do funcionamento administrativo dunha federación deportiva.

Perfil buscado

Requisitos:

• Formación e/ou experiencia no ámbito da administración e xestión.
• Coñecementos de contabilidade e finanzas.
• Bo manexo das ferramentas informáticas e ofimáticas, especialmente Excel.
• Capacidade de organización, planificación e xestión documental.
• Persoa responsable, dinámica, organizada e con capacidade de traballo en equipo.
• Boa capacidade de comunicación e relación con diferentes colectivos.

Valorarase especialmente

• Experiencia ou coñecementos no ámbito deportivo e federativo.
• Coñecemento do funcionamento das federacións deportivas e dos seus clubs.
• Vinculación ou coñecemento das actividades relacionadas coa montaña, o deporte e o medio natural.
• Coñecementos ou experiencia en xestión de clubs ou entidades deportivas. • Coñecemento da normativa e dos procedementos administrativos aplicables ás entidades deportivas.
• Interese e compromiso cos valores asociados á montaña, o deporte, a natureza e o respecto polo medio ambiente.
• Coñecemento da realidade do deporte galego.

Que buscamos?

Buscamos unha persoa que, ademais de contar cunha boa preparación administrativa, entenda e comparta o que representa a montaña e o deporte federado en Galicia.

Un perfil profesional capaz de combinar rigor na xestión, organización e responsabilidade cunha actitude próxima e colaborativa cos clubs, deportistas e demais integrantes da comunidade montañeira galega.

Presentación de candidaturas

As persoas interesadas deberán enviar o seu currículo vitae e, opcionalmente, unha breve carta de presentación indicando a súa experiencia e motivación para formar parte da Federación Galega de Montañismo.

Correo electrónico:

presidencia@fedgalmon.gal
tesoureria@fedgalmon.gal
licencias@fedgalmon.gal

Lugar de traballo: Vigo, sede da Federación Galega de Montañismo.

Xornada/condicións: Media xornada

Federación Galega de Montañismo

Traballamos pola montaña, polo deporte e polas persoas que a fan posible.