Presentación oficial da VIII Andaina do Condado – Marqués de Vizhoja

Arriba, de esquerda a dereita:
Henrique Freixeiro, Vogal de Andainas da FGM; Jorge Peláez, copropietario da Adega Marqués de Vizhoja; Alba Barbeiro, Club Cornelios; Julio César García-Luengo, Alcalde de Crecente; José Manuel Alfonso, Alcalde das Neves; Ana Belén Durán, Concelleira de Deportes das Neves; Almudena Fernández, Club Cornelios.

Abaixo:
Fran Durán e David Bas, Club Cornelios; Vicenta Rodríguez Cerdeira, Concelleira de Arbo; Diego Fernández, Presidente do Club Cornelios.

O pasado 3 de abril de 2025, presentouse á prensa a VIII Andaina do Condado – Marqués de Vizhoja que terá lugar o vindeiro domingo, pertencente á Liga Galega de Andainas da Federación Galega de Montañismo. O lugar escollido foi o pazo e finca que a Adega Marqués de Vizhoja ten no linde dos concello de Arbo e Crecente. Asistiron a este espectacular lugar as representacións oficiais dos concellos por onde transcorre a marcha, contando coa presencia dos alcaldes de Crecente e as Neves, e a concelleira de Arbo.

Jorge Peláez, copropietario da Adega Marqués de Vizhoja resaltou a importante labor dos deportistas e voluntarios de Cornelios e prometeu a súa axuda e colaboración para moitas máis actividades nos vindeiros anos.

Henrique Freixeiro, Vogal de Andainas da Federación Galega de Montañismo, acudiu en representación do Presidente, Alejandro López, que escusou a súa asistencia, e agradeceu ós membros de Cornelios o seu impresionante traballo.