Esta andaina é una proba oficial da Federación Galega de Montañismo e está integrada dentro da II Liga Xunta de Galicia de sendeirismo e da Liga Ibérica de sendeirismo da Federación Española de Deportes de Montaña y Escalada
A XVIII Andaina de Outono 2024 O Barco de Valdeorras organizada polo Club Peña Trevinca en colaboración co Concello do Barco, reuniu o pasado 10 de novembro a uns 360 sendeiristas das comunidades autónomas de Galicia, Castela-León, Madrid, Asturias ou Comunidade Valenciana.
Os participantes puideron escoller entre dúas rutas: unha longa de 25 km con 1.096 metros de desnivel, e outra máis curta de 15 km con 651 metros de desnivel. Ambas as rutas compartían os primeiros 12 km, con saída e chegada na praza do Concello. A ruta longa contaba con tres subidas e tres baixadas e ofreceu paisaxes destacadas como o monte Sierro, o Mosteiro de Xagoaza e a Torre do Castro, mentres que a ruta curta desviouse cara a Vilanova.
Durante a xornada, os senderistas gozaron de asistencia e avituallamientos ao longo do percorrido, combinando deporte, cultura e a beleza natural de Valdeorras. O evento culminou cunha degustación de arroz con botelo no pavillón municipal, coa presenza de autoridades locais como o tenente alcalde Aurentino Alonso, o vogal de Sendeirismo da FGM, Henrique Freixeiro, o presidente do club Peña Trevinca, Miguel da Cal e outros representantes de los diversos clubs participantes.
Todos os participantes recibiron unha camiseta conmemorativa e unha medalla. Ademais, premiáronse aos senderistas de maior e menor idade en ambas as rutas: Dina Campazas García (74 anos) e Lucia Mourele Torrado (12 anos) na ruta longa; e Juan Ramón López Oviedo (81 anos) e Manuel Martiño Rodríguez (10 anos) na ruta curta. A xornada estivo animada por un disco móbil e un speaker na meta, pondo un broche festivo a esta exitosa edición da Andaina.
A continuación deixámosvos algunhas das instantáneas protagonistas da xornada.
