O pasado 14 de Febreiro no Concello de Ames, tivo lugar a Gala do Montañismo Galego, na que se entregaban os galardóns aos deportistas más relevantes nas súas disciplinas así como outras distincións especiais a persoas que pola súa traxectoria no mundo da montaña ou nalgunha modalidade en concreto tiveron a honra de ser embaixadores/as da nosa Federación e do noso deporte.
No auditorio do Milladoiro (Ames) cedido moi xentilmente polo Concello anfitrión, o cal tivo presenza no evento tanto como colaborador, como premiado, sendo recoñecido así o seu traballo na difusión do Montañismo. Reuníronse algo máis de 150 persoas entre autoridades, premiados e acompañantes.
No evento entregáronse distincións aos concellos de Folgoso do Courel e Val do Dubra por ter entre as súas terras o Sendeiros máis Popular e o Sendeiro Revelación Respectivamente.
Alcaldes de Val do Dubra, Folgoso do Courel e Ames de esquerda a dereita e o Delegado Provincial da Xunta a dereita de todo.
Como Galardóns especiais entregáronse as distincións a:
- – Toda unha traxectoria do Barranquismo a Juan Montenegro.
- – Clubs Artabros e Ferrol Abrente por 50 anos Adicados ao Montañismo.
- – Carlos Garrido pola difusión da protección ambiental dos paixases de Montaña.
- –A mellor actividade de Alpinismo do 2024 a Miguel Arejula e Adrián Álvarez pola ruta Rouge Bereber.
- –E o recoñecemento a labor de inclusión na Montaña a Club Atletismo Sada e Marines.
- – Premios especiais tamén a toda unha vida adicada ao Montañismo Galego a Xosé Lois Freixeiro López quen fora presidente da FGM dende 1986 ata 2010 e a súa muller María Teresa Cameselle Rodríguez que foi secretaria da FGM dende 1986 a 2013.
Por modalidades deportivas de competición entregáronse premios en:
- – Escalada: Mateo Vásconez e Javier León pola tempada nacional do 2024
– Escalada: Nora García Maestu tamén pola grande tempada nacional 2024
– Escalada: Erik Noya pola traxectoria en escalda de velocidade, e Iris Gutierrez pola 1ª ascensión feminina de “Equilibrium”, unha vía de 8b na Pedriza, que non puideron vir a recoller o premio por motivos persoais deportivos.
– CxM: Recoñecementos a mellores corredores xovenes e absolutos de carreiras por montaña a, Eloy Martinez Faro, Julia Salvado Dieguez, Marcos Antonio Pascual Fidalgo, Miguel Vázquez Grela e Guadalupe Rubio Fernández.
(Nas fotos por orde: Julia e abaixo Guadalupe)
– Marcha Nórdica: Club Xesteiras pola súa traxectoria 2024.
– Marcha Nórdica: Jose Iglesias Siso e María del Pilar Martínez Rodríguez pola traxectoria 2024
– Marcha Nórdica: Alberto Fidalgo Pesquera, pola tempada nacional e Internacional 2024 quedando Campión de Europa e Subcampión do mundo.
– Marcha Nórdica: E Cristina González de Castro pola labor de divulgación da Marcha nórdica.
– Andainas: Resultados por Clubs, sendo 1º Trabandainas, 2º Xistra e 3º Xesteiras na Liga de Andainas Galegas.
– Andainas: A todos os clasificados en 1º, 2º e 3º lugar en función do nº de probas realizadas.
Agradecer a súa presenza a Roberto García Fernández, Delegado Provincial da Xunta de Galicia na Coruña.
Descubre máis desde Federación Galega de Montañismo
Subscríbete para recibir as últimas entradas no teu correo electrónico.