Erguíase o día en Chandrexa con trazas de día histórico, facía sol e calor, a vila chea da élite das Carreiras por Montaña, e moita xente coas súas ilusións postas neste lugar.
A FGM presentou unha Selección integrada por 43 deportistas, xente nova que se estreaba coa camisola pero tamén xente de moito nome, deportistas que levan anos e anos facendo kms polos montes de Galicia, pero tamén pola península e algúns en probas internacionais.
Todos e todas grandes deportistas e loitadores, algo que fixo que a familia da Selección Galega traballase en conxunto para poder pelexar polo podium, e este traballo recollérono neste caso os chicos da absoluta, que estaba integrada por: Aythami López, Samuel Saborido, Elpidio Gómez, Marcos Pascual, Miguel Vázquez, Alexandre Otero, Roberto García e Marcos Naya. Fixeron unha grande carreira no persoal pero sobre todo en equipo. Sen ser conscientes dende o principio do que estaban labrando, foron pasando os kilómetros ata que pasada a metade da proba víronse con forzas de dalo todo e atopáronse ben posicionados para cruzar a meta e puntuar de tal maneira que levaron a Selección a ser CAMPIONA DE ESPAÑA de CxM.
Resaltar tamén a participación do equipo feminino e o resto de categorías, que destacaron sobre o resto de competidores nacionais deixando claro que o trail galego é de nivel e só queda explotalo.
Ademais no clasificatorio da proba destacaron os cadetes Alma Pereiro e Álvaro Soto que fixeron 2º e 3º postos respectivamente.
Parabéns a todos e a seguir desfrutando da Montaña!
