O vindeiro sábado 7 de setembro, o Parque da Canuda en Salvaterra de Miño acollerá o Campionato de Marcha Nórdica Xunta de Galicia 2025, tanto na categoría individual como na de clubs na III Proba e Final da Copa Xunta de Galicia de Marcha Nórdica. Trátase dunha cita obrigada para os afeccionados e deportistas da marcha nórdica de toda Galicia, onde se xogarán títulos rexionais nesta especialidade en auxe.
Así mesmo, este día e á mesma hora celebrarase o II Campionato Aberto Municipal de Marcha Nórdica de Salvaterra.
Tras o éxito das edicións anteriores, este ano espérase un número récord de marchadores e unha gran presenza de clubs de toda a rexión, nunha xornada marcada pola deportividade, a convivencia e o espectacular contorno natural que ofrece o Parque da Canuda.
A organización, liderada polo Club de Montaña Airiños e coa colaboración Federación Galega de Montañismo, Xunta de Galicia, Deputación de Pontevedra e o Concello de Salvaterra de Miño, preparou unha atractiva ruta adaptada a todos os niveis, cumprindo os estándares técnicos da federación e garantindo a seguridade de todos os participantes.
Convidamos a competidores, practicantes e principiantes neste deporte a gozar dun día de competición e celebración centrado na marcha nórdica.
En nome dos organizadores, o Club de Montaña Airiños e a Federación Galega de Montañismo, faremos todo o posible para que levedes para casa unha fermosa lembranza deste día e deste lugar na fronteira con Portugal, situado ás beiras do río Miño.
A inscrición xa está aberta
Se queres participar e formar parte deste gran evento da marcha nórdica, xa podes inscribirte a través das seguintes ligazóns oficiais:
Ven representar o teu club ou competir individualmente. A Marcha Nórdica Galega agárdate o 7 de setembro en Salvaterra de Miño!
Non a perdas!
Descubre máis desde Federación Galega de Montañismo
Subscríbete para recibir as últimas entradas no teu correo electrónico.