ANDAINAS

As andainas ou camiñadas de resistencia son marchas a pé, excursionistas e deportivas, realizadas principalmente por montaña e zonas naturais, aínda que xeralmente próximas a algunha poboación onde está o inicio e o fin do percorrido.

Non prima a velocidade senón a regularidade e resistencia, converténdose nunha competición e reto persoal de superación propia, nas que prevalece o compañeirismo e solidariedade entre participantes, e onde hai uns límites e regulamentos a cumprir. Nas andainas podemos atopar variantes como as marchas de regularidade, de orientación, de resistencia e de ultrarresistencia. Actualmente as nosas andainas de resistencia agrúpanse en 3 distancias máis habituais: 25 km, 50 km e 100 km.