SENDEIRISMO

Vanse a cumprir agora corenta e seis anos dende que a Federación Española de Deportes de Montaña e Escalada tomou a iniciativa de desenrolar unha nova modalidade deportiva no seu seno, o sendeirismo, seguindo o camiño iniciado polas federacións e asociacións de montaña de Europa.

O sendeirismo podería definirse como unha actividade deportiva que se desenvolve a pe por percorridos preferentemente pola rede viaria tradicional e contornas naturais, seguindo sendeiros balizados e/ou homologados promovendo a recuperación e a conservación das antigas vías de comunicación.

En Galicia, na Federación Galega de Montañismo, as primeiras novas de esta actividade se remontan a mediados do ano 1989 con motivo dunha carta remitida polo Vogal de Sendeiros da Sociedade de Montaña Ártabros á Vogal de Sendeiros da F.G.M. solicitando canta información tiveran sobre este tema.

Hoxe é unha realidade que se pode constatar polo incremento de quilómetros de sendeiros homologados, a evolución e o crecemento de licenzas federativas de practicantes de esta modalidade deportiva.

O territorio de Galicia, está cheo de recursos de todo tipo – culturais, naturais, arquitectónicos, etnográficos, etc. – e en cantidade suficiente para a creación dunha rede de sendeiros de tal variedade que é difícil atopar similitudes entre eles, cada sendeiro é singular e diferente polo que a práctica desta actividade resulta sempre entretida e gratificante.

Existen tres tipos de sendeiros homologados pola FEDME



gr

Longos traxectos que se fan por etapas, pódense desenrolar dentro dunha mesma comarca ou cruzar España.



PR

Percorridos dunha xornada que permiten acceder a puntos concretos do territorio, poden ser sinxelos ou máis físicos.



SL

Cortos paseos cunha dificultade mínima, aptos para realizalos nun breve espazo de tempo con nenos, anciáns ou persoas con dificultades.

CREACIÓN DE SENDEIROS

PROPIEDADE DAS MARCAS GR®, PR® y SL®

As marcas de GR®, PR® y SL® están rexistradas pola Oficina Española de Patentes y Marcas del Ministerio de Ciencia y Tecnología, incluídas na clase 41 “Servicios de esparcimiento, en particular a sinalización de rutas, camiños E sendeiros, con carácter recreativo e deportivo” a favor da “Federación Española de Deportes de Montaña y Escalada” – FEDME -, constando tal rexistro no Boletín Oficial da Propiedade Industrial. A xestión de ditas marcas está cedida ás federacións autonómicas para o ámbito do seu territorio; en consecuencia, ditas marcas e cores, son de uso exclusivo en itinerarios e sendeiros homologados pola Federación Galega de Montañismo.

PASOS A SEGUIR PARA A CREACIÓN DUN SENDEIRO HOMOLOGADO

O/A promotor/a do sendeiro será unha entidade xurídica (mancomunidades de concellos ou comarcas, concellos, asociacións, clubs, empresas, etc.). O sendeiro se xustificará polo seu interese (xeográfico, histórico, artístico, natural, etc.) e os obxectivos que se pretenden conseguir deberán ser para desenvolvemento económico, cultural, turístico da zona.

O promotor, a través dun Técnico de Sendeiros de Galicia con titulación FEDME/EEAM (Federación Española de Deportes de Montaña e Escalada – Escuela Española de Alta Montaña) solicitará por escrito o inicio da tramitación para a Homologación do Sendeiro na Federación Galega de Montañismo (FGM), todo iso en virtude do Art. 6 da Normativa de Homologación de Sendeiros de Galicia “Procedemento de Homologación”.

NORMATIVA DE SENDEIROS

ESTATAL

O “Manual de Senderos FEDME” é unha publicación da Federación Española de Deportes de Montaña e Escalada (FEDME) e do seu Comité de Sendeiros.

Recolle a normativa xeral aplicable en España e anexos que complementan a súa aplicación no territorio estatal e nalgunhas comunidades autónomas.

Son especialmente relevantes os obxectivos que marca para os sendeiros e a importancia da marca rexistrada ante a Oficina de Patentes e Marcas como obxecto unificador e de calidade.

Contidos do Manual de Senderos FEDME

Definición de Sendeiro.
Obxectivo dos sendeiros homologados.
Elementos esenciais do sendeiro: a sinalización, a información e a divulgación.
Tipos de sendeiros homologados.
Os sinais.
Criterios para a colocación de sinais e soportes.
A divulgación dos sendeiros “GR”, “PR” e “SL”
Competencias e funcións federativas sobre sendeiros en España
Os documentos reitores do desenvolvemento dos sendeiros.
O Rexistro Xeral de Sendeiros.
Divulgación xeral da rede de sendeiros homologados.
Creación, homologación e clausura provisional ou definitiva de sendeiros.
Criterios xerais para a creación e acondicionamento de sendeiros.
O proxecto de sendeiros.
O Técnico de Sendeiros FEDME.
Catalogación da dificultade dun sendeiro marcado homologado.
O mantemento dos sendeiros.
Anexos.

Descarga:

Manual de Senderos FEDME 2021

GALEGA

En Galicia o primeiro manual foi redactado no ano 2004 co resultado do “Manual de Sendeiros da Federación Galega de Montañismo”. Posteriormente redactouse no ano 2008 a primeira “Normativa de Homologación de Sendeiros da Federación Galega de Montañismo”.

Estes documentos sufriron sucesivas e profundas modificacións, produto das experiencias aportadas polo colectivo de Técnicos/as de Sendeiros adscritos á Federación Galega de Montañismo.

Ambos documentos – Manual e Normativa – buscan acadar un elevado nivel de calidade nos elementos que compoñen o itinerario, e a sinalización dun sendeiro homologado a fin de satisfacer as demandase e satisfaccións das persoas usuarias dos mesmos.

Descarga: Manual de Sendeiros da FGM (2023)

Contidos do Manual de Sendeiros da Federación Galega de Montañismo – 2023

Tipos de Sendeiros homologados en Galicia: GR®, PR® y SL®
Descrición dos tipos de sinais GR®, PR® y SL®
Criterios, soportes e frecuencia dos sinais. Puntos de colocación obrigatoria.
Divulgación dun sendeiro mediante folletos.
Anexos: Tamaño dos sinais, uso das sinais nas coincidencias de sendeiros e formato de folletos de sendeiros homologados.

Descarga: Normativa de homologación de sendeiros da FGM (2023)

Contidos da Normativa de Homologación de Sendeiros da Federación Galega de Montañismo – 2023