Licenza Federativa

PREZOS LICENZAS FGM

PREZOS LICENZAS FEDME

DESGLOSE DE PRIMAS

Estar federado/a dáche dereito a:

• Participar con preferencia nas actividades federativas (FGM/FEDME).

• Participar nos cursos da Escola Galega de Alta Montaña (EGAM).

• Axudas económicas nalgunhas actividades federativas de ámbito galego, estatal e internacional.

• Gozar aos federados FEDME de descontos de pernota en todos os refuxios españois a partir do 01-01-2026, segun o convenio de reprocidad de refuxios de montaña. Accede a Refuxios FEDME.

• Os federados FEDME estarán tamén incluídos desde 01-01-2026 no Convenio internacional de reciprocidade no uso dos refuxios de montaña.

• Ter dereito todos os federados galegos as promocións de descontos federados.

• Prezos moi reducidos nos refuxios galegos.

• Comunicacións periódicas.

• Calendario de actividades.

• Participar en actividades divulgativas.

• Competicións oficiais de escalada, carreiras por montaña e marcha nórdica.

• Todas as vantaxes de pertencer á Federación Española FEDME.

Datos importantes

Licenzas válidas por ano natural. Todas as licenzas caducan o 31 de decembro.

Non poderán tramitarse licenzas daqueles que omitan consignar todos os seus datos ou o fagan de forma incorrecta.

Licenza de Inclusión Social
(B IS), coas mesmas coberturas que a licenza B de ámbito nacional. Para poder tramitar esta licenza hai que achegar unha copia do certificado de discapacidade igual ou superior do 33%.

TRÁMITES ONLINE

NOVIDADES 2026

Incrementos de primas do ano 2026 da FGM/FEDME /ALLIANZ da seguinte forma:
FGM 0,60 cént. FEDME 1,2 Euros. ALLIANZ 0,60 cént.
Incremento das primas recadadas por FEDME 1,20 Euros en todas as modalidades FEDME, destinado ao convenio de refuxios.
A FGM este ano non renovou o convenio coa REAJ (Red Española de Albergues Juveniles) polo que os federados galegos non terán descontos como asociados da REAJ.

Nova licenza FGM C de ámbito España, Portugal, Pirineo Francés, Andorra, Marrocos, sen habilitación FEDME.
Nova licenza FGM OT (septembro/decembro) de ámbito España, Portugal, Pirineo Francés, Andorra, Marrocos, sen habilitación FEDME.
Os Federados FEDME terán descontos en refuxios Españois e estranxeiros.

Franxa de idades dos federados:

Infantil: ata 13 anos cumpridos no 2026
Xuvenil: de 14 a 17 anos cumpridos no 2026
Adultos 1: de 18 aos 25 anos cumpridos no 2026
Adultos 2: de 26 anos en adiante

Disciplina Deportivas según categoría, categoría elexida:

Categorias : A – A (IS) – Au(A)

Excursionismo
Campamentos
Marchas de montaña
Sendeirismo
Marcha Nórdica
Participación nas andainas

Categorias : B – B (IS )– C – D – E – OT – FGM-B – FGM-C – FGM-OT e Seguros de día.

Excursionismo
Campamentos
Marchas de montaña
Sendeirismo
Marcha Nórdica
Escalada
Rocódromo
Alpinismo,
Montaña
Alta Montaña
Esquí de Montaña
Barrancos
Carreiras por Montaña
Raquetas de Neve
Canicross
Snow Montaña
Splitboard
Vías Ferratas
Espeleoloxía

Ámbito Territorial, Xerográfico-Territorial a modalidad escollida:

Categorias : A – A (IS) – B – B(IS) – FGM-C – FGM-OT
España
Portugal
Pirineos Francés
Andorra
Marrocos

Categorias : C
As memas que a B + Europa

Categorias : D
Mundial, EXCEPTO Expedicións polares, e Montañas de máis de 7000 m

Categorias : E
Mundial INCLÚE Expedicións polares Montañas de máis de 7000 m

Categorias : FGM-A – FGM-B
Galicia

Seguros de día
Galicia e Portugal

Aspectos a ter en conta para federarse

A licenza ten que tramitarse a través dun club dado de alta na Federación Galega de Montañismo (FGM).

Para poder tramitar a licenza é obrigatorio dar o enderezo electrónico e teléfono de cada federado/a (non pode ser o enderezo electrónico nin o teléfono do club), para despois poder descargar a licenza a través da aplicación Paso a Paso da FEDME. En caso de menores, será o teléfono e enderezo electrónico da nai/pai ou titor/a.

No caso de ter dereito a bonificación do 50 % do importe do seguro de accidentes, debe indicarse o NIF e o enderezo electrónico da nai/pai ou titor/a que estea federado/a na FGM.

Licenza FEDME

Atendendo ao “Plan Estratéxico da FEDME” 2021-2024 (ORG_3.2) e sendo coherentes co plan de dixitalización do máximo posible das xestións da FEDME, as licenzas nacionais van a subministrarse única e exclusivamente mediante FORMATO DIXITAL.

A licenza FEDME poderá visualizarse mediante a App FEDME, para dispositivos Android e iOS, no apartado “Licenza”, para o que o/a usuario/a deberá rexistrarse. Como usuario/a rexistrado/a, poderá gozar do resto de funcións e utilidades da aplicación (Inscricións, Noticias, Sendeiros, Tenda, Club FEDME, suxestións, etcétera).
A licenza visualizarase unha vez os datos sexan recibidos na FEDME.

DESCARGA APP

SEGURO CON ALTA COVERTURA

DESCARGA PÓLIZA

Póliza AON ALLIANZ

✓ Allianz Global Assistance dará cobertura no Estranxeiro para todas as persoas federadas que teñan un accidente.

✓ Servizo 24 horas ao día 365 días ao ano.

✓ Compañía especializada en asistencia en viaxe internacional, líder mundial en Seguros de Viaxe, e Servizos de Asistencia Persoal.

✓ Máis de 13.000 empregados/as cualificados/as que falan 58 idiomas diferentes e son responsables de centros de operacións nos 5 continentes.

✓Prestación directa sen necesidade de adiantos ou reembolsos posteriores

Plataforma de Atención as persoas Federadas

Aon pon ao dispor da federación a súa Plataforma de Atención as persoas Federadas para axudar en:

➢ Tramitación e enchemento dos partes de Accidentes.

➢ Información acerca da evolución do seu expediente.

➢ Información das autorizacións de:

➢ Probas Diagnosticas (Resonancias Magnéticas, etc..)

➢ Preoperatorios

➢ Intervencións Cirúrxicas

Segunda opinión médica

Aon conta co servizo de 2ª Opinión Médica para aqueles expedientes que a compañía exclúe por diferentes motivos; Lesións Preexistentes, Crónicas, etc.

O Servizo Médico tras revisar o expediente elabora un informe que enviamos á compañía para rebater a exclusión no caso que entenda que se debería ter cobertura.

Para a Federación/Club e Federado/a deste servizo xéralles a confianza de saber que teñen a súa disposición un/ha médico/a gratuíto/a para que lles garanta a súa asistencia.

EN CASO DE ACCIDENTE