Á𝒓𝒆𝒂 𝒅𝒆 𝑪𝒐𝒎𝒖𝒏𝒊𝒄𝒂𝒄𝒊ó𝒏 𝒅𝒂 𝑭𝑮𝑴
A fin de semana próxima, o montañismo galego, á marxe das actividades realizadas polos propios clubs, ten varios puntos de interese. O sábado, a partir das 9 a Escola Galega de Alta Montaña – EGAM da FGM organiza no concello de Melón unha Xornada monográfica sobre cabeceiras, pasamáns e desviadores en canoaxe, que continuará o domingo.
Tamén a mañá do sábado os mozos escaladores disputarán no Pavillón Municipal Quirós-Sárdoma (Vigo) da I Proba Copa Xunta de Galicia de Escalada en Idade Escolar, a partir das 10:00 horas, organizada polo Club Montañeiros Celtas.
Os amantes do sendeirismo poderán desfrutar ese sábado da VIII Andaina 50 km Costa Ártabra con saída desde A Malata, organizada polo Club de Montaña Ferrol, a través dun percorrido moi atractivo
O domingo pola mañá a EGAM prosegue a súa formación co Curso de Escalada en Vías Desequipadas de Varios Longos, realizado no Faro de Budiño, así como coa Xornada monográfica sobre ascenso por corda, rápel guiado e tirolesa en canoaxe, no concello de Melón, ambos os a partir das 10,00 horas
Por último, o domingo á mañá os practicantes da Marcha Nórdica terán a oportunidade de participar en Pereiro de Aguiar da III Proba dá Copa Xunta de Galicia e Open de Marcha Nórdica O Pereiro de Aguiar, organizada polo Club Asociación de Escaladores Ourensáns.
Pódese consultar máis información de cada unha destas actividades en EVENTOS no seguinte link:
#marchanordicafgm
