Dende a Federación Galega de Montañismo, en reunión de Xunta Directiva do 5 de outubro de 2023, amosouse á preocupación polo xeito en se está a desenvolver a transición enerxética no noso país e o inminente impacto sobre a paisaxe e os ecosistemas das montañas galegas, xa moi alteradas por instalacións eólicas existentes.
As montañas son o medio onde desenvolvemos a meirande parte das nosas modalidades deportivas e cremos nun xeito respectuoso de facelo, apostando sempre pola súa conservación. Debemos lembrar que as montañas contan con ecosistemas únicos e fráxiles que neste escenario de cambio global corren perigo de transformarse para sempre e desaparecer.
Subliñamos que cumios e cordais cheos de pistas e aeroxeradores desalentan a práctica do montañismo e sendeirismo en toda a súa esencia. E preocúpanos a falta de diálogo e o conflito social que se está a xerar, e a posibilidade de que se estea a infravalorar o seu impacto social, ambiental e sobre a paisaxe.
É por iso que a FGM, con aportacións das súas vogalías, manifestan o seu apoio á campaña “Ti podes paralos” a través dunha doazón conxunta ao fondo común, facendo fincapé na importancia do consenso social para levar a cabo unha transformación do territorio deste tipo.
Tal e como reivindicamos no manifesto do noso 60º aniversario:
“Defendamos as montañas limpas e salvaxes.
Longa vida ao Montañismo, aos/as montañeiros/as e aos montañeses e montañesas,“
(por Antonio Fernández “Cholo”)
https://www.adega.gal/portada.php
Descubre máis desde Federación Galega de Montañismo
Subscríbete para recibir as últimas entradas no teu correo electrónico.