Durante os días 26 e 27 de agosto, a inmensa maioría de deportistas que integran o Plan Galego de Tecnificación de Escalada (PGTE), impulsado pola Federación Galega de Montañismo, congregáronse na Coruña para proseguir a súa formación deportiva e preparar as próximas competicións previstas. As sesións desenvolvéronse no Rocódromo Municipal de Riazor, sede do pasado Campionato de España de Escalada en Idade Escolar que con tanto éxito celebrouse na cidade herculina. Á fronte da concentración estivo o director do PGTE José Juan Domínguez, contando tamén co apoio da adestradora Josefina Maestu.
