O sábado día 15 de abril na cidade de Almería, celebrouse o Campeonato de España de Clubs de Marcha Nórdica no que participou o Club Marcha Nórdica A Coruña como único representante galego.
Foi un día moi especial no que 11 competidores cruzaron España, ata o punto máis lonxe da Coruña que hai no mapa, para participar no Campeonato de España Iberdrola de Clubs Fedme de Marcha Nórdica, en Almería. Despois de que o ano pasado o Club de Montaña Xesteiras foxe o primeiro equipo masculino en participar nun campeonato de España (este ano non puideron participar) este ano o club da Coruña deu un paso mais participando cos dous equipos masculino e femenino, converténdose no primeiro equipo femenino en participar.
Foi unha proba marcada polas duras condicións climáticas, tendo que competir a 34 grados de temperatura. Destacar que todos os membros do equipo puideron rematar sen ningunha eliminación acadando un hito clasificando os dous equipos entre os dez mellores de España.
- 10° posto Categoría Feminina.
- 6° posto Categoría Masculina.
Sen dúbida a marcha nórdica de competición en Galicia segue a medrar en cantidade e en calidade e xa todos están a preparar a segunda proba da Copa Xunta de Galicia que terá lugar en Santiago de Compostela organizada pola Federación Galega de Montañismo e o club Vía Láctea.
Descubre máis desde Federación Galega de Montañismo
Subscríbete para recibir as últimas entradas no teu correo electrónico.